Holy Cross Ward

TOTAL NO. OF FAMILIES - 22

ಭಾಗೆವಂತ್‌ ಖುರ್ಸಾ ವಾಡ್ಯಾಚೆಂ ವಾಡ್ಯಾಫೆಸ್ತ್‌ 14-09-2025 ವೆರ್‌ ಆಯ್ತಾರಾ ಮಿಸಾಚ್ಯಾ ಬಲಿದಾನಾಸವೆಂ ಆಚರಣ್‌ ಕೆಲೆಂ. ಮಾ|ಬಾ| ಅರುಣ್‌ ಡಿʼಸೋಜ ಹಾಣಿಂ, ಫಿರ್ಗಜ್‌ ವಿಗಾರ್‌ ಮಾ|ಬಾ| ಮಾರ್ಸೆಲ್‌ ಸಲ್ಡಾನಾಸವೆಂ ಮಿಸಾಚೆಂ ಬಲಿದಾನ್‌ ಭೆಟಯ್ಲೆಂ. ವಾಡ್ಯಾಗಾರಾನಿಂ ಲಿತುರ್ಜಿ ಚಲವ್ನ್‌ ವೆಲಿ.

ಉಪ್ರಾಂತ್‌ 11.30 ವೊರಾರ್‌ ಸಭಾ ಕಾರ್ಯೆಂ ಫಿರ್ಗಜ್‌ ಸಭಾಸಲಾಂತ್‌ ಮಾಂಡುನ್‌ ಹಾಡ್ಲೆಂ. ಮಾಗ್ಣ್ಯಾವಿಧಿಸವೆಂ ಕಾರ್ಯಾಚಿ ಸುರ್ವಾತ್‌ ಕೆಲಿ. ಉಪ್ರಾಂತ್‌ ವಾಡ್ಯಾಗಾರಾನಿಂ ನೃತ್ಯದ್ವಾರಿಂ ಸ್ವಾಗತ್‌ ಕೆಲೊ. ಫಿರ್ಗಜ್‌ ವಿಗಾರ್‌ ಮಾ|ಬಾ| ಮಾರ್ಸೆಲ್‌ ಸಲ್ಡಾನಾ, ಫಿರ್ಗಜ್‌ ಗೊವ್ಳಿಕ್‌ ಪರಿಷದ್‌ ಉಪಾಧ್ಯಕ್ಷ್‌ ಶ್ರೀ ಲುವಿಸ್‌ ಪಿರೇರಾ, ಕಾರ್ಯದರ್ಶಿ ಶ್ರೀಮತಿ ಲೋನಾ ರೊಸಾರಿಯೊ, ಅಯೋಗಾಂಚೊ ಸಂಚಾಲಕ್‌ ಶ್ರೀ ವಿಲ್ಫ್ರೆಡ್‌ ರೊಸಾರಿಯೊ, ಮರಿಯಗಿರಿ ಕೊವೆಂತಾಚಿ ವಡಿಲ್ನ್ ಸಿ| ಮೇಬಲ್‌, ಲ್ಹಾನ್‌ ಕ್ರಿಸ್ತಾಂವ್‌ ಸಮುದಾಯಾಚೊ ಸಂಚಾಲಕ್‌ ಶ್ರೀ ರೊನಾಲ್ಡ್‌ ರೊಸಾರಿಯೊ, 2 ವಾಡ್ಯಾಚೆಂ ಗುರ್ಕಾರ್‌ ಶ್ರೀ ಗೊಡ್ವಿನ್‌ ರೊಸಾರಿಯೊ ಆನಿ ಶ್ರೀಮತಿ ಮೊನಿಕಾ ಕುಟಿನ್ಹಾ ಆನಿ ಖುರ್ಸಾ ವಾಡ್ಯಾಚೊ ಗುರ್ಕಾರ್‌ ಶ್ರೀ ಜೋನ್‌ ಸಲ್ಡಾನಾ ವೆದಿರ್‌ ಹಾಜರ್‌ ಆಸ್‌ಲ್ಲಿಂ. ಮಾನಾಚ್ಯಾ ಸಯ್ರ್ಯಾನಿಂ ದಿವೊ ಪೆಟವ್ನ್‌ ಕಾರ್ಯಾಚೆಂ ಉಗ್ತಾವಣ್‌ ಕೆಲೆಂ. ‌ಗುರ್ಕಾರಾನ್‌ ಫುಲಾಂ ದೀವ್ನ್‌ ಸರ್ವಾಂಕ್‌ ಸ್ವಾಗತ್‌ ಕೆಲೊ. ವಾಡ್ಯಾಚಿ ವರ್ದಿ ಸಭೆ ಮುಕಾರ್‌ ದವರ್ಲಿ. ವಾಡ್ಯಾಂತ್‌ ಮಾಲ್ಘಡೆ ಜಾವ್ನಾಸ್ಚ್ಯಾ ಶ್ರೀ ಬ್ಯಾಪ್ಟಿಸ್ಟ್‌ ‌ ಆನಿ ಶ್ರೀಮತಿ ವೆರೊನಿಕಾ ಮಿನೇಜಸ್, ಶ್ರೀಮತಿ ಜೋಸ್ಫಿನ್‌ ಸಲ್ಡಾನಾ, ವಾಡ್ಯಾಂತ್‌ ಕ್ರಿಯಾಳ್‌ ಸಾಂದೊ ಜಾವ್ನಾಸ್ಚ್ಯಾ ಶ್ರೀ ಜೊಯ್ಸನ್‌ ಮಿನೇಜಸ್‌, ಧಾವೆಂತ್‌ ಉತ್ತೀಮ್‌ ಅಂಕ್‌ ಘೆತ್‌ಲ್ಲ್ಯಾ ಕು| ರಿಶು ಅನ್ನಾ ಡಿʼಸೋಜ ಹಾಂಕಾ ಮಾನ್‌ ಕೆಲೊ. ಮಾನಾಚ್ಯಾ ಸಯ್ರ್ಯಾನಿಂ ಭಾಗೆವಂತ್‌ ಖುರ್ಸಾ ವಾಡ್ಯಾ ವಿಶ್ಯಾಂತ್ ಅಪ್ಲಿಂ ಭೊಗ್ಣಾಂ ಉಚಾರ್ಲಿಂ ಆನಿ ವಾಡ್ಯಾಗಾರಾಂಕ್‌ ಶುಭಾಷಯ್‌ ಪಾಟಯ್ಲೆ. ಉಪ್ರಾಂತ್‌ ವಿಗಾರ್‌ ಮಾ|ಬಾ| ಮಾರ್ಸೆಲ್‌ ಸಲ್ಡಾನಾ ಹಾಣಿಂ ಜೆವ್ಣಾಚೆರ್‌ ಆಶೀರ್ವಾದ್‌ ಮಾಗ್ಲೊ. ಹ್ಯಾ ಕಾರ್ಯಾಂತ್‌ ವಾಂಟೆಲಿ ಜಾಲ್ಲ್ಯಾ ಸರ್ವಾಂಕ್‌ ಗುರ್ಕಾರಾನ್‌ ಜೆವ್ಣಾಕ್‌ ಉದಕ್‌ ದಿಲೆಂ. ಶ್ರೀಮತಿ ಸಿಸಿಲಿಯಾ ಪಿರೇರಾನ್‌  ಕಾ‍ರ್ಯೆಂ ಚಲವ್ನ್‌ ವೆಲೆಂ.